गोग्राहा माविले मनायो ७१ औं वार्षिकोत्सव (फोटो)

विराटनगर । विराटनगर–४ स्थित गोग्राहा माध्यमिक विद्यालयले ७१ औं वार्षिकोत्सव एवं अभिभावक दिवस भव्यताका साथ मनाएको छ । 

विराटनगर महानगरपालिकाका मेयर नागेश कोइरालाको प्रमुख आतिथ्यमामा शुक्रबार भव्य कार्यक्रमका साथ वार्षिकोत्सव एवं अभिभावक दिवस मनाइएको हो ।

वार्षिकोत्सवको अवसरमा विद्यालयका अध्ययनरत विद्यार्थीहरूलाई छात्रवृत्ति वितरण गरिएको छ । त्यसैगरी छात्रवृत्ति प्रदान गर्न अक्षयकोष स्थापना गर्ने दाताहरूलाई विद्यालयले सम्मान गरेको हो ।

विद्यालयले सबैभन्दा राम्रो काम गर्ने शिक्षकलाई उत्कृष्ट शिक्षक सम्मान प्रदान गरेको जनाइएको छ ।

विद्यालय व्यवस्थापन समितिका अध्यक्ष सुनिल कुमार पौडेलको अध्यक्षतामा आयोजित वार्षिकोत्सवका प्रधानाध्यापक टंक प्रसाद सिटौलाले विद्यालयको वर्तमान अवस्थाबारे जानकारी गराएका थिए ।

कार्यक्रमका शिक्षा विकास तथा समन्वय इकाई मोरङका प्रमुख टंक प्रसाद गौतम लगायतको उपस्थिति रहेको थियो ।