घूससहित एक इन्जिनियर पक्राउ

विराटनगर । अख्तियार दुरुपयोग अनुसन्धान आयोगको कार्यालय इटहरीले एक लाख रुपैयाँ घूससहित एक इन्जिनियरलाई नियन्त्रणमा लिएको छ । 

ताप्लेजुङको फुङलिङ नगरपालिकामा अधिकृतस्तर छैटौं, सिभिल इन्जिनियर पदमा कार्यरत मो अख्तर हुसेनले खेलकुद मैदान निर्माण कार्यमा सेवाग्राहीसँग घूस लिएको अख्तियारले दाबी गरेको छ । 

सो रकम घूस लिइसकेको अवस्थामा फुङलिङ नगरपालिका–४ न्यूरोड ट्याक्सी विसौनीबाट सोमबार नियन्त्रणमा लिइएको अख्तियारले जनाएको छ ।