हिज्जे प्रतियोगितामा सिद्धार्थ प्रथम

सुन्दरहरैंचा । नगर प्याब्सनको आयोजनामा मोरङको सुन्दरहरैंचामा आयोजित  नगरस्तरीय अंग्रेजी हिज्जे प्रतियोगितामा सिद्धार्थ सेकेण्डरी स्कुल  प्रथम भएको छ । क्वेस्ट सेकेण्डरी स्कुल दोस्रो र द राइजिङ सेकेण्डरी स्कुल तेस्रो भएका छन् ।

प्रतियोगितामा माउन्ट मकालु इङ्लिस स्कुल, ज्ञान ज्योति इङ्लिस स्कुल, सगरमाथा हिमाल दर्शन इङ्लिस स्कुल र स्कलर्स होम इङ्लिस स्कुलले सान्त्वता स्थान हासिल गरेका छन् ।

प्रतियोगितामा प्रथम, द्वितीय, तृतीय र सान्त्वना स्थान प्राप्त गर्न सफल प्रतियोगीहरूलाई मेडल, प्रशंसापत्र सहित सम्मान गरिएको थियो । 

प्रतियोगितामा नगरका २८ वटा निजी विद्यालय सहभागी थिए ।