सुनको मूल्य तोलामा छ सयले घट्यो

काठमाडौँ, १३ असोज । स्थानीय बजारमा आज सुनको मूल्य प्रतितोला  छ सयले घटेको छ ।

लगातार उकालो लाग्दै आएको सुनको मूल्यमा आज सामान्य गिरावट आएको हो ।

नेपाल सुनचाँदी व्यवसायी महासङ्घका अनुसार शुक्रबार प्रतितोला  एक लाख ६१ हजार दुई सयमा कारोबार भएको छापावाला सुन आजका लागि भने  एक लाख ६० हजार छ सय निर्धारण भएको छ ।

यस्तै, चाँदीको मूल्य तोलामा  १० ले घटेको छ । शुक्रबार प्रतितोला  एक हजार नौ सय ५५ मा कारोबार भएको चाँदी आजका लागि भने  एक हजार नौ सय ४५ निर्धारण भएको छ ।  रासस