नरेश श्रेष्ठ मेमोरियल यु–१९ राष्ट्रिय क्रिकेट प्रतियोगिता
विराटनगर । नरेश श्रेष्ठ मेमोरियल यु–१९ राष्ट्रिय क्रिकेट प्रतियोगिता अन्तरगत लिग चरणका खेल सकिंदा आयोजक कोशी प्रदेश भने सातौं अर्थात अन्तिम हुन पुगेको छ ।
लिगमा खेलेको ६ खेलहरू मध्ये कोशीले एक जितेपछि ५ वटामा पराजय भोग्दै रनरेटका कारण सातौं स्थानमा समेटिएको हो ।
५ खेलमा जित र १ खेलमा पराजित हुँदै १० अंकका साथ सुदुरपश्चिम प्रदेश भने रनरेटका आधारमा लुम्बिनीलाई उछिनेर पहिलो स्थानमा उक्लिएको छ । सूदुरले बुधबार लुम्बिनीसँगै फाइनल खेल्दैछ ।
सुरुदेखि नै पहिलो स्थानमा रहेको लुम्बिनीले मंगलबार मधेससँगको अन्तिम खेलमा हार व्यहोरेको हो । त्यस्तै गण्डकी ६ खेल मध्ये ३ जित र ३ खेलमा पराजित हुँदै ६ अंकका साथ तेस्रो बनेको छ ।
मधेशले पनि ६ खेलमा ३ मा जित र ३ खेलमा पराजित हुँदै ६ अंकका साथ नेट रनरेटका कारण चौथो बनेको छ ।
वागमती ६ खेलमा २ मा जित र ४ खेलमा पराजित हुँदै ४ अंकाका साथ पाँचौ स्थानमा पुगेको छ । कर्णालीले ६ खेलमा २ मा जित र ४ खेलमा पराजित हुँदै ४ अंकका साथ छैठौ स्थान ओगटेको छ ।
कोशी प्रदेशले भने आफ्ना ६ खेल मध्ये कर्णालीविरुद्धको एक खेलमात्रै जितेर २ अंकको सान्तवना पाएर लिगमा भने अन्तिममा समेटिनु परेको छ ।
View : 182
Copyright © 2023 -2025. Udghosh Daily. All Rights Reserved