राष्ट्रिय क्रिकेटर ललित राजवंशीकी आमाको विराटनगरमा निधन

विराटनगर । नेपाली राष्ट्रिय क्रिकेट टिमका चर्चित खेलाडी विराटनगर–१४ निवासी ललित राजवंशीलाई मातृशोक परेको छ ।

ललितकी आमा शुभकुमारी देवी राजवंशीको आइतबार विहान निधन भएको हो ।

काठमाडौंमा रहेका ललित आमाको निधनको खबरपछि विराटनगर आइपुगेका छन् । 

मृतक शुभकुमारी देवीको अन्तिम संस्कार सिंघीया खोलामा धार्मिक परम्परा अनुसार आइतबार गरिंदैछ ।

मृतक शुभकुमारीका श्रीमान् जयनारायण राजवंशी, जेठो छोरा युगलकिशोर राजवंशी, माइला छोरा रामकिशोर राजवंशी, कान्छा ललित नारायण राजवंशी र एक छोरी सुमन राजवंशी रहेका छन् ।