भारतीय कारभित्र भेटियो एक सय ४५ किलो गाँजा

विराटनगर । प्रहरीले एउटा भारतीय नम्बरको कारभित्र लुकाइएको एक सय ४५ किलो गाँजा बरामद गरेको छ ।

कोशी प्रदेश प्रहरी कार्यालय विराटनगरको अनुसन्धान समुह र लागू औषध नियन्त्रण ब्युरो विराटनगरबाट खटिएको संयुक्त सुरक्षा टोलीले गाँजा बरामद गरेको हो । 

बिहीबार बिहान विराटनगर महानगरपालिका–११ बुद्ध विहार मार्गमा बेवारिसे अवस्थामा रहेको वीआर ११ पीसी ५०१६ नम्बरको कारमा शङ्का लागेर चेकजाँच गर्दा कारमा लुकाएर राखेको ५ वटा झोलाभित्रबाट  एक सय ४५ किलो गाँजा बरामद गरेको कोशी प्रदेश प्रहरी कार्यालय विराटनगरले जनाएको छ ।

प्रहरीले बरामद भएको गाँजासहितको गाडीमाथि थप अनुसन्धान भइरहेको जनाएको छ ।