विद्यार्थीलाई न्यायो कपडा

धरान । धरान–४ स्थित कन्या आधारभूत विद्यालयका विद्यार्थीहरुलाई न्यायो कपडा, जुत्ता, शैक्षिक सामग्री र खाजा वितरण गरिएको छ । धरान जेसिज प्रथम महिला समूहले हरेक वर्ष झैं यस वर्ष पनि उक्त सामग्रीहरु वितरण गरेको हो । सो समूहले विद्यार्थीहरुलाई शैक्षिक सामग्रीलगायत न्यानो कपडा वितरण गरेको छ ।

धरान–४ को पहाडी क्षेत्रमा पर्ने  सो विद्यालयमा २७ विद्यार्थीहरु अध्ययनरत छन् । चिसोको मौसममा विद्यार्थीहरुलाई जुत्ता, मोजा, टोपी, कपी, सीसाकलम, डटपेन र खानासमेत वितरण गरिएको धरान प्रथम महिला समूहकी संयोजक कोपिला श्रेष्ठले बताएकी छन् । 

धरान जेसिजका विभिन्न वर्षका अध्यक्षहरुको श्रीमतीहरुको संगठनको रुपमा धरान जेसिज प्रथम महिला समूह गठन गरिएको समूहकी सचिव बिनुता सापकोटाले जानकारी दिइन् ।  सो समूहले विगत १० दिन अगाडि धरान–२०, सानो खैरेनीमा रहेको सूर्य उदय प्राथमिक विद्यालयका विद्यार्थीहरुलाई समेत स्वीटर लगायतका अन्य सामग्री प्रदान गरिएको थियो ।