नक्कली प्रमाणपत्र फेला परेपछि ख्रिष्टियन महासंघका अध्यक्ष पक्राउ

विराटनगर : राष्ट्रिय ख्रिष्टियन महासंघका अध्यक्ष चरीबहादुर गहतराज पक्राउ परेका छन् । लिखत सम्बन्धी कसुरमा जिल्ला प्रहरी परिसर काठमाडौंले मंगलबार दिउँसो सिंहदरवार क्षेत्रबाट उनलाई पक्राउ गरेको हो ।

एसपी कुमोध ढुङ्गेलका अनुसार उनीविरूद्ध लिखत सम्बन्धी कसुरमा जाहेरी परेको थियो ।

उक्त जाहेरी परेसँगै प्रहरीले अनुसन्धान गरी काठमाडौं जिल्ला अदालतबाट अनुमति लिएको थियो ।

उनको स्नातक तहको प्रमाणपत्र नक्कली भएको फेला परेको प्रहरीले जनाएको छ । उनीमाथि प्रहरीले थप अनुसन्धान अघि बढाएको जनाएको छ ।