हमास आक्रमणमा मारिएका नेपालीको सम्झनामा शोक गीत सार्वजनिक

सुन्दरहरैंचा : हमास समूहको आक्रमणमा परि इजरायलमा ज्यान गुमाएका नेपालीप्रति समर्पित गरेर तयार पारिएको गीत ‘शोक’ सार्वजनिक भएको छ । गीतमा गायिका समीक्षा अधिकारीको स्वर छ ।

सञ्चारकर्मी सुरेशचन्द्र दाहाल र साहित्यकार तथा नाटयकर्मी भरत गुरागाई बर्बरीकको शब्द अनि राजन क्षेत्रीको संगीत रहेको सो गीत पूर्वेली इन्टरटेन्मेन्ट यूटयुब च्यानलमार्फत हालै सार्वजनिक गरिएको हो । 

विनोद बाजुरालीको संयोजन रहेको गीतमा गुरागाई, मेनुका माझी तथा वसन्त बस्नेतको अभिनय छ । गीत पूर्वका विभिन्न स्थानहरूमा छायांकन गरिएको छ । नेपालीहरूको विदेशिने बाध्यता र त्यहाँ भोग्नु परेको पीडालाई गीतमा उठान गरेको सञ्चारकर्मी दाहालले जानकारी दिए ।