कात्तिकको सर्वोत्कृष्ट प्रहरी चिचिलाका प्रसनि अधिकारी

विराटनगर । कोशी प्रदेश प्रहरी कार्यालय विराटनगरले  प्रहरी चौकी चिचिला संखुवासभामा कार्यरत प्रहरी सहायक निरीक्षक सूर्यप्रसाद अधिकारीलाई २०८१ साल कात्तिक महिनाको सर्वोत्कृष्ट प्रहरी  घोषित गरेको छ ।

प्रहरी सहायक निरीक्षक अधिकारीले कात्तिक १० गते संखुवासभाको चिचिला गाउँपालिका–४ का ४५ बर्षीय एक पुरुषलाई खुकुरी प्रहार गरी हत्या गरेको घटनामा संलग्नलाई खुकुरीसहित पक्राउ गर्न सफल भएको  र

कात्तिक १८ गते चिचिला गाउँपालिका–३ मा भएको अर्को हत्या घटनामा संलग्न ४ जना व्यक्तिहरुलाई नियन्त्रणमा लिन सफल भएका थिए ।

उनले गरेका कार्यको उच्च मूल्याङ्कन गर्दै प्रहरी सहायक निरीक्षक अधिकारीलाई कात्तिक महिनाको सर्वोत्कृष्ट प्रहरी  घोषणा गरिएको  कोशी प्रदेश प्रहरी कार्यालय विराटनगरले जनाएको छ ।