छोराको हत्या अभियोगमा बाबु पक्राउ

इलाम । आफ्नै छोरा १९ वर्षीय जीवन राईको हत्या गरेको अभियोगमा  इलामको माई नगरपालिका–६ बिहीबारे बस्ने ३६ वर्षीय दिलकुमार राईलाई सोमबार राति प्रहरीले पक्राउ गरेको छ । 

घरायसी विवादको क्रममा दिलकुमारले खुकुरी प्रहार गर्दा गम्भीर घाइते भएका जीवनको विर्तामोडमा उपचारको क्रममा मृत्यु भएको हो ।

घटनाको खबर प्राप्त हुनासाथ प्रहरी चौकी महमाईबाट खटिएको प्रहरीले उनलाई पक्राउ गरेको हो ।