जेनजी सरकारका मन्त्रीहरु धमाधम राजिनामा दिएर चुनाव लड्दै

विराटनगर । राष्ट्रपति रामचन्द्र पौडेलले तीन जना मन्त्रीले पदबाट राजनीमा दिएपछि रिक्त भएका ती मन्त्रालयको कार्यभार प्रधानमन्त्री सुशीला कार्कीले सम्हाल्ने गरी तोकेका छन् । 

जेनजी आन्दोलनपछि बनेको सरकारबाट मंगलबार मात्रै शिक्षा, विज्ञान तथा प्रविधिमन्त्री महावीर पुनले राजिनामा दिएर चुनाव लड्ने तयारी गरेका छन् ।

सोमबार सञ्चार तथा सूचना प्रविधिमन्त्री जगदीश खरेल र युवा तथा खेलकुदमन्त्री बब्लु गुप्ताले पदबाट राजीनामा दिएका थिए ।

उनीहरुले सम्हालेका मन्त्रालयको कार्यभार प्रधानमन्त्री सुशिला कार्कीले नै सम्हाल्ने गरी राष्ट्रपति  पौडेलले जिम्मेवारी तोकेका हुन् ।

कार्की सरकारका उर्जा मन्त्री कुलमान घिसिङले यसअघि नै राजिनामा दिएर चुनावी मैदानमा उत्रिइसकेका छन् । घिसिङ बाहेक सवै रास्वपाबाट चुनाव लड्ने तयारीमा रहेको जनाइएको छ ।