कजारिया टायल्सको एकता सम्मेलन सम्पन्न

विराटनगर । टायल्स ब्राण्ड कजारिया टायल्सले कोशी, मधेश र बागमती प्रदेशका विभिन्न १० स्थानमा चार सय बढी राजमिस्त्रीहरूको उत्साहजनक सहभागितामा गरिएको एकता सम्मेलन  सफलतापूर्वक सम्पन्न गरेको छ । नेपालको सबैभन्दा ठूलो र भारतको नम्बर १ टायल्स ब्राण्डको रुपमा कजारियालाई चिनिन्छ ।

सो अवसरमा ‘घर निर्माण गर्दा परिवारको सुरक्षा सुनिश्चित गर्न गुणस्तरीय निर्माण सामग्रीको छनोट र दक्ष जनशक्तिको भूमिका’ विषयमा अन्तरक्रिया गरिएको थियो ।

अन्तरक्रियामा नेपाल र भारतका विशेषज्ञ प्रशिक्षकहरूले अन्तर्राष्ट्रिय मापदण्डनुसारका टायल्स र सिरामिक्स उत्पादनको गुणस्तर र नवीन प्रविधिबारे गहन छलफल र राजमिस्त्रीहरूलाई प्राविधिक ज्ञान प्रदान गरिएको थियो । 

कम्पनीले नेपाली ग्राहक, उपभोक्ता, डिलर र निर्माण विज्ञहरूलाई प्राथमिकतामा राख्दै स्थानीय स्तरमा निर्माण कार्यमा योगदान पुर्याइरहेका राजमिस्त्रीहरूसँगको सम्बन्धलाई सुदृढ बनाउन एकता सम्मेलन कार्यक्रमको आयोजना गरेको हो ।

कजारिया नेपालमा सबैभन्दा ठूलो सिरामिक र भिट्रिफाइड टायल्स उत्पादन गर्ने कम्पनी हो । गुणस्तर र नवप्रवर्तनलाई प्राथमिकतामा राख्दै, कम्पनीले विश्वस्तरीय उत्पादनहरू नेपाली बजारमा उपलब्ध गराउँदै आएको कम्पनीले जनाएको छ ।