प्रेस चौतारीद्वारा शुभकामना आदान–प्रदान

विराटनगर : प्रेस चौतारी मोरङले पत्रकारहरुका बीच शुभकामना आदानप्रदान कार्यक्रम सम्पन्न गरेको छ । शुक्रबार विराटनगरमा आयोजित शुभकामना आदानफ्रदान कार्यक्रममा साँस्कृतिक कार्यत्रमसमेत भव्यताका साथ सम्पन्न गरेको जनाइएको छ ।

एमाले स्थायी समिति सदस्य डा शिवमाया तुम्वाहाम्फेको प्रमुख आतिथ्यतामा आयोजित बडादशैं, तिहार (शुभ–दीपावली), नेपाल सम्वत् तथा छठलगायतका चाडपर्वको अवसर पारेर शुभकामना आदानप्रदान कार्यक्रम गरिएको प्रेस चौतारी मोरङका अध्यक्ष सुदीप कोइरालाले बताए ।

उनले चौतारी निकट तथा अन्य संघ संगठन सम्वद्ध पत्रकारहरुका बीचमा समेत चाडपर्वको मौकामा चिनजान र अन्तरघुलन गराउनका लागि बर्सेनि कार्यक्रमलाई निरन्तरता दिंइदै आएको बताए । 

यसपटक कार्यक्रममा सहभागी भएका पत्रकारहरूको जोडीहरुका बीच नृत्य प्रस्तुत गराइएको थियो । जसमा प्राध्यापक एवं पत्रकार रामचन्द्र अधिकारी र उनकी श्रीमती कल्पना तिम्सिना अधिकारीको जोडी नृत्यमा उत्कृष्ट भएका थिए ।

उनीहरुलाई प्रोत्साहनस्वरुप एक हजार रुपैयाँ नगद पुरस्कार प्रदान गरिएको अध्यक्ष कोइरालाले बताए । कार्यक्रमका अवसरमा तिहारमा सवैभन्दा लोकप्रिय परिकार सेलरोटीसहित तरकारी र गुन्द्रुकको अचारसमेत सहभागीहरुलाई खुवाइएको उनले जानकारी दिए ।