सुनको मूल्य तोलामा आठ सयले वृद्धि

काठमाडौँ, १२ भदौ । स्थानीय बजारमा आज पनि सुनको मूल्यमा वृद्धि भएको छ । आज निर्धारण भएको मूल्यका आधारमा पहेँलो धातु हालसम्मकै महँगो भएको छ ।

नेपाल सुनचाँदी व्यवसायी महासङ्घका अनुसार, मङ्गलबारको तुलनामा आज छापावाला सुन तोलामा  आठ सयले वृद्धि भई नयाँ कीर्तिमान कायम गरेको छ ।  

मङ्गलबार प्रतितोला रु एक लाख ५२ हजार तीन सयमा कारोबार भएको छापावाला सुन आजका लागि  एक लाख ५३ हजार एक सय मूल्य निर्धारण गरिएको छ ।

यस्तै, चाँदीको मूल्य तोलामा  पाँचले वृद्धि भएको छ । मङ्गलबार प्रतितोला  एक हजार आठ सय ५० मा कारोबार भएको चाँदीको मूल्य आजका लागि  एक हजार आठ सय ५५ निर्धारण गरिएको छ । रासस