कपडा र शैक्षिक सामग्री वितरण

सुन्दरहरैंचा । बालबालिका क्षेत्रमा काम गर्दै आएका किवानिस क्लव  सुन्दरहरैंचाले  न्यानो कपडा र शैक्षिक सामग्री वितरण गरेको छ । सुन्दरहरैंचा–३ स्थित जननी आधारभूत विद्यालयका २५ जना विपन्न परिवारका विद्यार्थीलाई  स्विटर, कापी, सीसाकलम, इलेजरलगायत सामग्री वितरण गरेको किवानिस क्लव सुन्दरहरैंचा अध्यक्ष पार्वती गच्छदारले जानकारी दिइन् ।

विद्यालयका प्रध्यानाध्यापक निला कार्की भण्डारीका अनुसार विद्यालयको भौतिक संरचना जीर्ण रहेको र बर्खायाममा पानी चुहिने, झ्याल मर्मत हुन नसक्दा जाडोमा चिसो हुने र गर्मीमा टिन तातिदा रुखमुनि पढाउनु पर्ने बाध्यात्मक अवस्था  रहेको बताइन् । विद्यालयका संस्थापक अध्यक्ष रुद्रप्रसाद पोखरेलले स्थानीय सरकारले कुनै चासो नदिंदा विद्यालयको अवस्था दयनीय भएको बताए ।

सो अवसरमा किवानिस क्लबका शाखा सभापति  (च्याटर प्रेसिडेन्ट)  बिकास बजगाई,  निवर्तमान अध्यक्ष शंकर  बजगाईं, विद्यालय व्यस्थापन समिति अध्यक्ष कमल खवास, शिक्षक र विभिन्न संघसंस्थाका प्रतिनिधि लगायतको उपस्थिति थियो ।