विराटनगर—५ कुलरुवामा राधाकृष्णको मन्दिर बन्दै

विराटनगर, ३ मंसिर । विराटनगर—५ स्थित कुलरुवामा राधाकृष्णको मन्दिर निर्माण हुने भएको छ ।

स्थानीयवासीको सक्रियतामा निर्माण हुन लागेको मन्दिरको एक समारोहका बीच सोमबार विराटनगर महानगरपालिकाका मेयर नागेशकोइरालाले उद्घाटन गरे । शिद्धकाली स्कुल छेउमा रहेको जमिनमा मन्दिर निर्माण हुन लागेको हो । 

सो अवसरमा मोरङका प्रमुख जिल्ला अधिकारी प्रेमप्रसाद भट्टराई, मोरङ प्रहरीका प्रमुख एसपी नारायण चिमरिया, नेकपा एमालेका नेता विनोद ढकाल, वडा नम्बर ५ का अध्यक्ष सन्तोष न्यौपाने, पूर्वअध्यक्ष मीनकुमार आचार्य, शिद्धकाली विद्यालयका व्यवस्थापन समितिका अध्यक्ष रामकुमार यादव, मन्दिर निर्माण समितिका अध्यक्ष शोभानन्द यादवलगायतले शुभकामना मन्तव्य व्यक्त  गरेका थिए ।

मन्दिरको शिलान्यास अघि कलशयात्रा निकालिएको थियो । कलशयात्राले वडाका विभिन्न स्थानको परिक्रमा गरेको थियो ।