अपहरणमा परेकी बालिकाको उद्धार

सुनसरी । सुनसरीको कोशी गाउपालिका–७ मुसहरी टोलबाट अपहरणमा परेकी कुशेश्वर सदाकी ४ वर्षीया छोरीको सकुशल उद्दार गरी अपहरणमा संलग्न व्यक्तिलाई प्रहरीले पक्राउ गरेको छ । 

पक्राउ पर्नेमा सप्तरी कन्चनरुप नगरपालिका–१२ धरमपुरका जितुवा भन्ने जितेन्द्र साह (हलुवाई) रहेका छन् । 

चैत्र २० गते दिउसो ४ बर्षीया बालिका घर अगाडि खेल्ने क्रममा अपरिचित मानिसले सिटि सफारीमा चढाई अपहरण गरी लगेको खबरपछि जिल्ला प्रहरी कार्यालय सुनसरी र कोशी प्रदेश प्रहरी कार्यालय विराटनगरको प्रादेशिक अनुसन्धान समुहले खोजतलास गरेको थियो । 

बिहिबार कोशी ब्यारेजको २६ नम्वर ढोकाको पुल माथिबाट वालिकालाई सकुशल उद्दार गरी आफन्तलाई जिम्मा लगाएको छ ।

अपहरणमा संलग्न साहलाई नियन्त्रणमा लिएर जिल्ला प्रहरी कार्यालय सुनसरीबाट थप अनुसन्धान तथा आवश्यक कानुनी कारवाही भइरहेको बताइएको छ ।