लिटमसले ल्यायो केबल किन्दा दुबई जान पाउने अफर

विराटनगर । लिटमस केबल्सले इलेक्ट्रिसियनहरूलाई लक्षित गरी स्मार्ट वाचदेखि दुबई जान पाउनेसम्मको अफर ल्याएको छ । इलेक्ट्रिसियनहरूको काम र मिहेनतलाई सम्मान गर्न दुबई जान पाउनेसम्मको अफर ल्याएको कम्पनीले जनाएको छ ।

यस योजनाअन्तर्गत इलेक्ट्रिसियनहरूले ५० कोइल्सको केबल खरिदमा स्मार्ट वाच, १०० कोइल्सको खरिदमा ड्रिल मेसिन, ३०० कोइल्सको खरिदमा एयर कुलर, ५०० कोइल्सको लागि मुक्तिनाथको यात्रा वा मोबाइल र १००० कोइल्सको खरिदमा टिभी जस्ता आकर्षक उपहारहरू जित्न सक्ने कम्पनीले जनाएको छ ।

साथै, १५०० कोइल्सको खरिदमा, वासिङ्ग मेसिन र २५०० कोइल्सको खरिदमा दुबई यात्राको अवसर पाउने कम्पनीले प्रेस विज्ञप्ति जारी गरी जनाएको छ ।

यस योजनामा सहभागी हुनका लागि इलेक्ट्रिसियनहरूले इकोवायर–जेडएच खरिद गरी कुपनहरू नजिकैको लिटमस केबल्सको डिलरमा आˆनो नाम, ठेगाना, फोन नम्बर र जम्मा गरेको कुपनको संख्याको विस्तृत जानकारी बुझाउनुपर्ने छ ।

उक्त योजनाअन्तर्गत जम्मा भएको कुपनको आधारमा स्मार्ट वाच, ड्रिल मेसिन, एयर कुलर, मुक्तिनाथको यात्रा, मोबाइल, टिभी, वाशिङ्ग मेसिन र दुबई यात्रालगायतका उत्कृष्ट उपहारहरू जित्न सक्ने कम्पनीले स्पष्ट पारेको छ । कम्पनीका अनुसार यो योजना यही पुस १ गतेदेखि आउँदो वर्षको असार मसान्तसम्म कायम हुनेछ ।