सिरुवा पर्वका अवसरमा सम्मान कार्यक्रम

विराटनगर । थारु समुदायले नयाँ वर्षका अवसरमा मनाउने सिरुवा पर्वका अवसरमा ज्येष्ठ नागरिकलाई सम्मान गरिएको छ ।

थारु कल्याणकारी सभा मोरङद्वारा मोरङको बूढीगंगा–७ धराहरा टोलमा शनिबार सभाका पूर्वअध्यक्षहरू एवं ज्येष्ठ नागरिकलाई सम्मान र शुभकामना आदान प्रदान  गरी मनाइएको छ ।

सो अवसरमा सभाका पूर्वअध्यक्षहरू रुद्रनारायण चौधरी, नन्दु सरदार, खडगनारायण विश्वास चन्द्रनारायण चौधरी, सुनिल विश्वास, चुमनारायण तवदार, देवराज चौधरी, प्रदीप भगतलाई सम्मान गरिएको छ । 

कार्यक्रममा कोशी प्रदेशसभाका पूर्वसदस्य चुमनारायण तवदार, बूढीगाउँपालिकाकी उपाध्यक्ष अमृता गच्छदार, सोही पालिकाका पूर्वअध्यक्ष बालचन्द्र माझी, थारु कल्याणकारी सभाका अध्यक्ष प्रदीपकुमार विश्वास, उपाध्यक्ष जागेश्वर विश्वास, सभाका पूर्वअध्यक्ष रुद्रनारायण चौधरी र वडा अध्यक्ष पंकज चौधरीले थारु समुदायका पर्व, रितिरिवाज, खानपिन, भाषा, पोशाकको संरक्षण गरेर मुलुकलाई संस्कृतिक क्षेत्रमा धनी बनाउन सकिने विचार व्यक्त गरे । 

सिरुवा पर्वमा अवसरमा परिवारका ज्येष्ठ सदस्यहरूको खुट्टामा पानी राखी आर्शीवाद लिने तथा ज्येष्ठ सदस्यहरूले आफूभन्दा सानालाई टाउको ( शीर) मा पानी छ्यापी वर्षभरि सुख सम्मृद्धि, दीर्घायु जीवनको  आशीर्वाद दिने चलन छ ।