सामुहिक बलात्कारको आरोपमा ३ पक्राउ

विराटनगर । उदयपुरको चौदण्डीगढी नगरपालिका–८ हिलेखोलामा २० वर्षीया युवतिमाथि सामुहिक बलात्कार गरेको आरोपमा तीनजना पक्राउ परेका छन् ।

पक्राउ पर्नेहरूमा चौदण्डीगढी नगरपालिका–८ हिलेखोला बस्ने ३० वर्षीय गणेश राई, २७ वर्षीय उमेश मगर र २७ वर्षीय खड्ग मगर रहेको जिल्ला प्रहरी कार्यालय उदयपुरले जनाएको छ । 

उनीहरूले युवतिलाई ललाई फकाई हिलेखोला जंगलमा लगेर सामुहिक बलात्कार गरेको भन्ने उजुरीका आधारमा अनुसन्धान अनुसन्धान अघि बढाइएको जनाइएको छ । 

बलत्कारमा संलग्न युवकहरुलाई इलाका प्रहरी कार्यालय बेल्टारबाट खटिएको प्रहरीले गरेको हो । उनीहरुलाई सामुहिक बलात्कार कसुरमा उदयपुर जिल्ला अदालतबाट म्याद थप गरेर थप अनुसन्धान गरिरहेको प्रहरीले जनाएको छ ।