अन्तर एभरेष्ट पौडी प्रतियोगिता सुरु

विराटनगर । विराटनगर–५ स्थित एभरेष्ट स्कुलमा अन्तर एभरेष्ट पौडी प्रतियोगिताको उद्घाटन बिहीबार विद्यालयका प्राचार्य टीकाराम पुरीले गरेका छन् । 

एभरेष्ट कलेज परिसरमा रहेको पौडी पोखरीमा शुरु भएको प्रतियोगिता शनिवार सम्पन्न हुने छ । पहिलो दिन कक्षा २ देखि ५ सम्मका खेलाडीले सहभागिता जनाएका छन् ।

पहिलो दिनको सो प्रतियोगितामा कक्षा २ र ३ बाट २५ मिटर पौडीमा छात्रतर्फ प्रियन्जन राय प्रथम, रायन भट्टराई द्वितीय र प्रणव चौधरी तृतीय भए । सोही स्पर्धामा छात्रातर्फ आस्मा चौधरी प्रथम, हुरिया खत्तिमा द्वितीय र पल्पसा चौधरी तृतीय भए ।

कक्षा ४ र ५ को प्रतियोगिताको २५ मिटरमा स्वराजसिंह नेपाल प्रथम, रेहान यादव द्वितीय र अनुभव दाहाल तृतीय भए ।

सोही कक्षाको ५० मिटरको स्पर्धामा आरध्य पाण्डे, प्राञ्जल तिम्सिना र पुरक तिम्सिना क्रमशः प्रथम, द्वितीय र तृतीय भए भने  खुल्ला ५० मिटरमा पनि आरध्य पाण्डे, पुरक तिम्सिना र प्राञ्जल तिम्सिना क्रमशः प्रथम, द्वितीय र तृतीय भए ।

यस्तै सोही कक्षाको ब्याक स्ट्रोक २५ मिटर, फ्रि स्टाइलकै १०० मिटरको स्पर्धा झएका विद्यालयका अतिरिक्त त्रियाकलाप प्रमुख सुधा डंगोलले जानकारी दिइन् ।

यस्तै सो  प्रतियोगिता अन्तर्गत शनिवार कक्षा ६ देखि १० सम्मका विद्यार्थीहरुको स्पर्धा हुने डंगोलले जानकारी दिइन् ।  शनिवार छनोट चरण पार गरेका करिब २०० विद्यार्थीले अन्तिम स्पर्धामा भाग लिनेछन् ।