खाँदबारी कारागारलाई पुस्तक हस्तान्तरण

सङ्खुवासभा, २१ असोज । साब्लाबुङ पुस्तकालय अभियानले खाँदबारी कारागारभित्रको पुस्तकालयका लागि साब्लाबुङ विभिन्न विषयका पुस्तक उपलब्ध गराएको छ ।

कैदीबन्दीलाई पठन संस्कृतिको विकास गर्ने उद्देश्यले पुस्तक हस्तान्तरण गरिएको अभियानका अध्यक्ष राजकुमार राईले जानकारी दिए ।

एक लाख ५० हजारबराबरको कानुन, साहित्य लगायत अन्य प्रेरणादायक नौ सय थान बढी पुस्तक उपलब्ध गराइएको उन बताए ।

अभियानले ‘शैक्षिक संस्थामा पुस्तकालय, गाउँटोलमा पुस्तकालय र घरमा पुस्तकालय निर्माण गरौँ’ भन्ने अभियानका साथ काम गरिहेको अध्यक्ष राईले बताए ।

जेलर तुलसी पौडेलका अनुसार कारागारमा एक सय ३५ कैदीबन्दी रहेको छन् । रासस