अन्तर्राष्ट्रिय पुस्तक प्रदर्शनी काठमाडौंमा हुने

विराटनगर : सामाजिक रुपान्तरणका लागि शिक्षामा नयाँ अभियान भन्ने मूल नाराका साथ  दक्षिण एसियाली अन्तर्राष्ट्रिय पुस्तक प्रदर्शनी  काठमाडौंमा हुने भएको छ ।

आउँदो मंसिर ५ गते देखि १० गतेसम्म काठमाडौंको भृकुटीमण्डपमा प्रदर्शनी हुने नेपाल पुस्तक तथा शैक्षिक सामग्री व्यवसायी महासंघ काशीका सचिव माधव अधिकारीले बताए ।

नेपाल पुस्तक तथा शैक्षिक सामग्री व्यवसायी महासंघ काठमाडौंको आयोजनमा हुन गइरहेको  प्रदर्शनीमा नेपाल, भारत, चीन, बंगलादेश, श्रीलंकालगायत देशका प्रकाशकहरुको सहभागिता रहने आयोजक महासंघका महासचिव शिवसागर शर्माले बताए ।

पठन संस्कृतिको विकास होस् भन्ने हेतुले पुस्तक पुस्तकालय तथा साहित्य लगायतका विविध विषयमा बिज्ञहरुसँग छलफल समेत राखिएको महासचिव शर्माले बताए ।