श्रीमतीको हत्यामा संलग्न श्रीमान पक्राउ

उदयपुर, २८ कार्तिक : उदयपुरको त्रियुगा नगरपालिका-१६ धौरीकी ५० बर्षिया सुनमाया तामाङको हत्याको आरोपमा उनकै श्रीमान् पक्राउ परेका छन् ।

कात्तिक २६ गते राती मादक पदार्थ सेवन गरी श्रीमतीको हत्या गर्ने ६१ वर्षीय जस बहादुर तामाङलाई जिल्ला प्रहरी कार्यालय उदयपुरबाट खटिएको प्रहरीले पक्राउ गरेको जनाइएको छ ।

जस बहादुरको कुटपिटबाट घाईते भएकी सुनमायाको मंगलबार मृत्यु भएको थियो । घटनाबारेमा थप अनुसन्धान भइरहेको प्रहरीको भनाई छ ।