सुकुना क्याम्पसले पूर्व विद्यार्थी भेला गर्ने

सुन्दरहरैंचा : सुन्दरहरैंचास्थित सुकुना बहुमुखी क्याम्पसले पूर्व विद्यार्थीहरूको भेला गर्ने भएको छ ।

क्याम्पस प्रमुख अर्जुनराज अधिकारीको अध्यक्षतामा पूर्व स्ववियू सभापतिहरूको बैठकले यस्तो निर्णय गरेको हो । मंसिर १५ गते शुक्रवार हुने उक्त भेलामा क्याम्पसले सम्पूर्ण पूर्व विद्यार्थीहरुलाई सहभागी हुन अनुरोध गरेको छ ।

भेलाले पूर्व विद्यार्थीहरुको संस्थासमेत निर्माण गरिने भएकोले पूर्व विद्यार्थीहरूको उपस्थिति अनिवार्य भएको क्याम्पस प्रमुख अधिकारीले बताए ।

बैठकमा क्याम्पसको दीर्घकालिन हितका लागि महत्वपूर्ण सल्लाह, सुझाव, भावी योजनाहरू र ११ गते बस्ने क्याम्पस परिषद्को सत्रौं बैठकको तयारीका बारेमा छलफल गरेको सहायक क्याम्पस प्रमुख गणेशप्रसाद दहालले जानकारी दिए  ।

भेलामा पूर्व स्ववियु सभापतिहरू यज्ञप्रसाद सुवेदी, राजकुमार ओझा, गोपाल श्रेष्ठ, जेवी थुलुङ, भुपाल बस्नेत, बद्री अर्यालको उपस्थिति  थियो ।  त्यस्तै पूर्व  क्याम्पस प्रमुख चन्द्रमणि राई, व्यवस्थापन विभागका विभागीय प्रमुख उमेश उप्रेती र वर्तमान स्ववियु सभापति सन्तोष लिम्बूको उपस्थिति थियो ।