२०७ एम्पुल लागूऔषधसहित बोक्सेका बस्नेत पक्राउ

उदयपुर । प्रहरी चौकी लालपत्ताले २०७ एम्पुल लागूऔषधसहित एकजनालाई पक्राउ गरेको छ । 

त्रियुगा नगरपालिका–६ लालपत्ताबाट खटिएको प्रहरी टोलीले मंगलबार अपरान्ह उक्त लागूऔषधसहित त्रियुगा–१० बोक्सेका ३३ वर्षीय डेनिल बस्नेतलाई पक्राउ गरेको हो ।

कदमाहाबाट गाईघाट तर्फ आउँदै गरेको विङ्गरलाई रोकेर चेकजाँच गर्ने क्रममा झोलाभित्र लुकाई छिपाई ल्याएको फेनार्गन ६९ एम्पुल, डाईजेपाम ६९ एम्पुल र बुप्रिनोर्फिन ६९ एम्पुलसहित जम्मा २०७ एम्पुल लागूऔषध बरामद गरेको हो । 

प्रहरीले सोधीखोजी गर्दा उक्त लागूऔषध राखिएको झोला बस्नेतको भएको पत्ता लगाएको हो । 

पक्राउ परेका उनलाई जिल्ला अदालत उदयपुरबाट म्याद थप गरी अनुसन्धान अघि बढाएको जनाइएको छ ।