मकैको बीउ र कृषि सामग्री हस्तान्तरण

सुन्दरहरैचा । सुन्दरहरैंचा नगरपालिकामा मकै खेती प्रवर्द्धन कार्यक्रम अन्तर्गत कृषक समूहलाई  मकैको बीउ तथा मकै रोप्ने, छोडाउने सामग्री  हस्तान्तरण गरिएको छ ।

नगरपालिकाको कृषि शाखाले ५० प्रतिशत अनुदानमा  ४ लाख बराबरको सामग्री हस्तान्तरण गरेको हो ।

नगरपालिकाले कृषकलाई प्रदान गरेको बीउ तथा कृषि सामग्रीको सही रूपमा सदुपयोग गरेर कृषि पेशालाई भरपर्दो आयस्रोत बनाउन आवश्यक भएको नगर उपप्रमुख अकली चौधरीले बताइन् ।

उनले कृषकको खेतीपातीमा अनुगमन गरी सामग्रीको उचित प्रयोग भए नभएको जानकारी लिने उल्लेख गरिन् ।

११ वटा  कृषक समूहलाई अनुदानमा रामपुर १०, मकैको  हाइब्रिड  बिउ ७५० केजी, मकै रोप्ने ८ थान र मकै छोडाउने ८ थान सामग्री  हस्तान्तरण गरिएको नगर कृषि शाखा प्रमुख फणीन्द्र भट्टराईले बताए ।