प्रेस चौतारीको १० औं राष्ट्रिय महाधिवेशन विराटनगरमा

विराटनगर । प्रेस चौतारी नेपालको १० औं राष्ट्रिय महाधिवेशन आगामी फागुन २३ देखि २५ सम्म विराटनगरमा हुने भएको छ । 

चौतारी केन्द्रीय कमिटीको बुधबार काठमाडौंमा बसेको बैठकले राष्ट्रिय महाधिवेशन अघि नै फागुन ७ गतेभित्र प्रदेश अधिवेशन र माघ २५ गतेभित्र जिल्ला अधिवेशन गर्ने निर्णय गरेको महासचिव हिरामान लामाले बताए ।

बैठकमा नेकपा एमाले जनसंगठन समन्वय संयन्त्रका प्रमुख भानुभक्त ढकालसहित एमाले प्रचार तथा प्रकाशन विभाग प्रमुख एवं प्रेस चौतारी इञ्चार्ज राजेन्द्र गौतम, संगठन विभागका सचिव माधव ढुंगेलको लगायतको सहभागिता रहेको जनाइएको छ ।

चौतारीको सातौं राष्ट्रिय महाधिवेशन पनि विराटनगरमै सम्पन्न भएको थियो । १३ बर्षपछि पुनः विराटनगरमा चौतारीको महाधिवेशन हुन लागेको हो ।