खोलामा डुबेर दुई बालबालिकाको मृत्यु

विराटनगर । सुनसरी र मोरङमा दुई बालबालिकाको खोलामा डुबेर मृत्यु भएको छ ।

कोशी प्रदेश प्रहरी कार्यालय विराटनगरका अनुसार मोरङको सुनवर्षी नगरपालिका–७ सुकुम्बासी टोलका श्रीकुमार ऋषिदेवको ९ वर्षीय छोरा अमन ऋषिदेवको स्थानीय मरिया खोलामा पौडी खेल्ने क्रममा डुबेर मृत्यु भएको छ ।

त्यसैगरी आइतबार सुनसरीको भोक्राहा नरसिंह गाउँपालिका–१ का विष्णु परियारकी ७ वर्षीया छोरी विविशा परियारको सुनसरी खोला छेउमा खेल्ने क्रममा डुबेर मृत्यु भएको प्रहरीले जनाइएको छ । घटनाको प्रहरीले अनुसन्धान समेत गरिरहेको जनाइएको छ ।