प्रधान सेनापतिद्वारा दर्ज्यानी चिन्ह प्रदान

विराटनगर । प्रधान सेनापति अशोकराज सिग्देलले सैनिक प्राड सेवा, विविध सेवा अन्तरगत लेखा र प्राविधिक सेवामा नव नियुक्त अधिकृतहरूलाई बुधबार दर्ज्यानी चिन्हले प्रदान गरेका छन् ।

जङ्गी अड्डामा आयोजित एक कार्यक्रममा अधिकृत पदहरूमा खुला तथा समावेशी र आन्तरिक प्रतिस्पर्धाबाट छनौट भएका प्राड उपसेनानी ३ जना, लेखा उपसेनानी ७ जना र प्राविधिक उपसेनानी ३८ जना गरी ४८ जना नव नियुक्त अधिकृतहरूलाई दर्ज्यानी चिन्ह प्रदान गरिएको नेपाली सेनाले जनाएको छ ।

कार्यक्रममा प्रधान सेनापति सिग्देलले नव नियुक्त अधिकृतहरूलाई बधाई दिँदै सैनिक जीवनमा सफलताको लागि शुभकामना व्यक्त गरेका थिए । 

सो अवसरमा नेपाली सेनाका उच्च अधिकारी, नव नियुक्त अधिकृतका परिवारका सदस्यहरूको उपस्थिति रहेको थियो ।