नेता कार्यकर्तासहित अन्तिम प्रचार र्‍यालीमा विनोद ढकाल (फोटो)

विराटनगर । मोरङ–६ का नेकपा एमालेका उम्मेदवार विनोद ढकालले अन्तिम चुनावी प्रचार र्याली गरेका छन् । 

विराटनगर महानगरपालिका अगाडिबाट एमाले नेता कार्यकर्ता र शुभेच्छुकहरूसहितको र्‍याली विराटनगरस्थित हिमालय रोडबाट महेन्द्र चोकमा पुगेर सभामा परिणत भएको छ ।

र्‍यालीमा नेकपा एमालेका केन्द्रीय उपमहासचिव योगेश भट्टराई, पूर्व उपाध्यक्ष गुरु बराल लगायत क्षेत्र नम्बर ६ का एमाले समर्थक तथा नेता कार्यकर्ताहरू सहभागी भएका छन् ।

नेता ढकाल मोरङ ६ मा यसपटक चुनाव जित्ने दाबी गर्दै चुनावी अभियानमा जुटेको एमाले विराटनगर महानगर कमिटीका अध्यक्ष बलराम गिरीले बताए । ढकालले भ्रष्टाचार गरेर वा कसैको नजरमा तपाईंहरूको शिर झुकाउने काम आफुबाट नहुने घोषणा गरेका छन् । 

उनले आफु जनताको सेवामा निरन्तर लाग्ने भन्दै ३० बुँदे चुनावी प्रतिवद्धता जनाइसकेका छन् ।

उनले स्थानीय विकास, शिक्षा, स्वास्थ्य, कृषि, उद्योग, पर्यटनदेखि सामाजिक सुरक्षासम्मका बिषय प्रतिवद्धता पत्रमा उल्लेख गरेका छन् ।

विराटनगर–५ सम्झना चोकस्थित निवासी ढकाललाई चुनाव जिताउन उत्साहित भएर लागेको नेता कार्यकर्ताहरूले बताएका छन् ।