उदयपुरमा वडाध्यक्ष र गाउँ सभा सदस्यको निधन

विराटनगर । उदयपुरको रौतामाई नगरपालिका–२ का वडाध्यक्ष होम बहादुर दाहालको निधन भएको छ ।

वडाध्यक्ष दाहालको निधन भएको भन्दै गाउँपालिकाले सार्वजनिक विदा दिएको छ ।

दाहाल साविक भुट्टार गाविसका पुर्व अध्यक्ष समेत हुन् । 

मुटुको समस्याका कारण उपचारका लागि अस्पतालमा रहेका दाहालको उपचारकै शनिबार क्रममा निधन भएको जनाइएको छ । 

त्यसैगरी उदयपुरको ताप्ली गाउँपालिकाको वडा नम्बर ३ का गाउँ सभा सदस्य छविलाल जर्घा मगरको पनि शनिबार निधन भएको गाउँपालिकाले जनाएको छ ।

गाउँ सभा सदस्य मगरको निधन भएको भन्दै पालिकाले सार्वजनिक विदा दिएको जनाएको छ ।