विराटनगरको भाटभटेनीमा तोडफोडपछि आगजनी

विराटनगर । विराटनगरको भाटभटेनी सुपरमार्केटमा उत्तेजित प्रदर्शनकारीले आगजनी गरेका छन् । 

मंगलबार दिनभरी सरकारी कार्यालयहरूमा तोडफोड गर्दै हिंडेका प्रदर्शनकारीहरू साँझ परेपछि भाटभटेनीलाई केन्द्रीत गरेर तोडफोड सुरु गरेका थिए ।

उनीहरूले भाटभटेनी अगाडि विभिन्न बैंकका एटिएम मेसिन तोडफोड गर्दै लुटपाटको प्रयास गरेका थिए । ठुलो संख्यामा जम्मा भएका प्रदर्शनकारीहरूले ढुंगामुडा गर्दै तोडफोड गर्ने क्रममा भित्रै आगजनी गरिदिएका छन् ।

तोडफोड र आगजनीमा जोगीजस्ता देखिने र नेपाली बोल्न नजान्ने व्यक्तिहरू समेत संलग्न देखिएका छन् ।

भाटभटेनीको आगो फैलिंदा दक्षिणतर्फ रहेको एभरेष्ट बैंकको कार्यालय र उत्तरतर्फका व्यक्तिका घर तथा पसलहरू समेत जोखिममा परेका छन् ।

आगजनी भइरहँदा स्थानीय प्रशासनले दमकल पठाउन सकेको छैन । विराटनगरको कुनैपनि स्थानमा प्रहरी देखिएका छैनन् ।

आगजनी भइरहँदा भाटभटेनीभित्र ठुलो ठुलो बिस्फोटको आवाज सुनिन थालेको छ ।