ज्येष्ठ नागरिक र विद्यार्थी सम्मानित

विराटनगर : विराटनगर महानगरपालिका –१ पोखरियास्थित त्रिवेणी बचत तथा ऋृण सहकारीले शनिबार २६ औं  वार्षिक साधारणसभाको अवसरमा आठ जना ज्येष्ठ नागरिक र पाँच जना मेधावी विद्यार्थीलाई सम्मान गरेको छ ।

सम्मानित हुनेमा समाजका जेष्ठ नागरिकहरू चुडामणि शर्मा, टिकाकुमारी गुरागार्इं सोठीलाल  चौधरी,  महादेवी निरौला,  तुलसा न्यौपाने अधिकारी, महानन्द गुरागाई  र युवराज रिजाल छन् ।

त्यसैगरी सम्मानित हुने कक्षा १२ उत्तीर्ण तथा जेहेन्दार विद्यार्थीहरू कृतिम खडका, सिद्वान्त भट्टराई, यमन बंजारा, हिमालवावु कार्की र निर्मला दुलाल छन् । कोशी प्रदेशसभा सदस्य भीम पराजुली,  वडा नं १ का वडाध्यक्ष काजीबहादुर बस्नेत, सहकारीकी उपाध्यक्ष अध्यक्ष निर्मला कोइरालालगायतले उनीहरूलाई सम्मान गरेका हुन ।

उत्कृष्ट तथा नियमित बचतकर्ताद्वय  केशवप्रसाद पोखरेल  र भास्कर अधिकारी पनि सम्मानित भए ।

विसं २०५५ सालमा ५८ हजारबाट शुरू गरिएको सहकारीको आर्थिक वर्ष  २०७९/०८०  असार मसान्तसम्म शेयर पुँजी एक करोड पाँच लाख ८९ हजार रहेको वार्षिक प्रतिवेदनमा उल्लेख छ ।  चार सय ६६  शेयर सदस्य रहेको सहकारीको दुई तले आफनै भवन  छ ।