श्री सहकारीको १५ औं साधारणसभा

विराटनगर । कटहरी गाउँपालिका–३ स्थित श्री सहकारी संस्था लिमिटेडको १५ औं साधारणसभा सम्पन्न भएको छ । 

कटहरी गाउँपालिकाका अध्यक्ष देवराज चौधरीको प्रमुख आतिथ्यतामा भएको साधारणसभामा संस्थाका लेखा संयोजक श्रीराम कामतले संस्थाको आयब्यय प्रस्तुत गरे । 

संस्थाको वार्षिक प्रतिवेदन प्रस्तुत गर्दै अध्यक्ष हरिनारायण माझीले संस्थाले किसानहरुलाई थप सुविधा उपलब्ध गराउन आगामी दिनमा आफ्नो कार्यक्षेत्र विस्तार गर्ने योजना बनाइरहेको बताए । 

गाउँपालिका अध्यक्ष देवराज चौधरीले कटहरीको वडा नम्बर १ देखि ७ सम्म १० वटा सहकारीहरुले गाउँपालिकासँग अनुमति लिएर किसानहरुलाई मलखाद र बीउविजन लगायतका सामग्री सुलभ मूल्यमा उपलब्ध गराउँदै आएको बताए । 

आर्थिक बर्ष २०३३÷३४ मा स्थापना भएको सो सहकारीमा हाल ३ सय बढी किसान सदस्य रहेको जनाइएको छ ।