कृषि विकास बैँकद्वारा फर्निचर र कार्पेट हस्तान्तरण

विराटनगर । कृषि विकास बैंक लिमिटेड कोशी प्रदेश कार्यालयले ग्रामथान गाउँपालिकाको झोराहाटस्थित गोपीकृष्ण मणिकर्णिका सामुदायिक सेवा केन्द्रलाई एक सेट फर्निचर र कार्पेट हस्तान्तरण गरेको छ । 

संस्थागत सामाजिक उक्तरदायित्व कार्यत्रम अन्तरगत करिव १ लाख रुपैयाँ बराबरको फर्निचर र कार्पेट सेवा केन्द्रका अध्यक्ष प्रयाग न्यौपानेलाई हस्तान्तरण गरिएको हो । बैंकका कोशी प्रदेश प्रमुख रञ्जन खनालले ती सामग्रीहरू प्रदान गरेका हुन् । 

स्थानीय समाजसेवी कृष्णप्रसाद खतिवडाको अध्यक्षतामा आयोजित कार्यक्रममा बैंकका तर्फबाट सुरेन्द्र अधिकारी, ठाकुर प्रसाद ओझा, जीवन घिमिरे, पंकजमणी पौडेल लगायतको उपस्थिति रहेको जनाइएको छ । कार्यक्रममा ग्रामथान–२ का वडा सदस्य गोपाल न्यौपानेसहित स्थानीय व्यक्तित्वहरूको उपस्थिति रहेको थियो ।