विराट साहित्य समाजद्वारा विविध कार्यक्रम

सुन्दरहरैंचा : मोरङको सुन्दरहरैंचा–१० स्थित विराट साहित्य समाजले महाकवि लक्ष्मीप्रसाद देवकोटाको ११५ औं जन्मजयन्ती तथा चाडफर्वको अवसरमा विविध कार्यक्रम गरेको छ । 

कार्यत्रममा विराट साहित्य समाजका ज्येष्ठ संस्थापक सदस्य रामचन्द्र घिमिरे, संस्थाका सहसचिव डा.दीपक न्यौपानेले संस्थाका गतिविधिबारे चर्चा गरेका थिए ।

कार्यक्रममा विष्णु पाञ्चायन भजन कीर्तन मण्डलबाट भैली र दीपज्योति भजन मण्डल टोलीले संगिनी गीत प्रस्तुत गरेका थिए ।

कार्यक्रममा स्रष्टा धनजित पराजुली, यज्ञराज सुवेदी सुसेली, सरोज समुन्द्र, अनुप अनुपम, मुना मिश्र, सीता खतिवडा, भूमिका खनाल, शिव पराजुली, विनोद चापागाईं लगायतले रचना वाचन गरेका थिए । विराट साहित्य समाजका अध्यक्ष उमानाथ भट्टराईको सभापतित्वमा भएको कार्यक्रममा पूर्वअध्यक्ष मेदिनी बरालले महाकवि देवकोटाको साहित्यिक पक्षबारे चर्चा गरेका थिए ।