सुन्दरहरैंचामा प्रदेशस्तरीय  फुटसल हुँदै

सुन्दरहरैंचा । राष्ट्रिय युवा संघ नेपाल नगर कमिटीको आयोजनामा मोरङको सुन्दरहरैंचा नगरपालिकास्थित विराटचोकमा कोशी प्रदेशस्तरीय युथ  फुटसल टुर्नामेन्ट  हुने भएको छ ।

सुन्दरहरैंचा नगरपालिका प्रवर्द्वक रहेको प्रतियोगिता यही असोज १७ देखि १९ गतेसम्म सुन्दरहरैंचा–१० को प्लानेटमा हुनेछ ।

प्रतियोगितामा कोशी प्रदेशका विभिन्न जिल्लाबाट २० टोलीहरूको सहभागिता रहने आयोजक राष्ट्रिय युवा संघ नेपालका नगर अध्यक्ष भविनजंग पाण्डेले जानकारी दिए ।

पहिलो पटक हुन लागेको प्रदेशस्तरीय प्रतियोगितामा विजेता हुनेलाई नगद १ लाख १ हजार तथा उपविजेतालाई नगद ५१ हजार पुरस्कार रहेको उल्लेख गरिएको छ ।

प्रतियोगितामा इलाम, रतुवामाई, धनकुटा, दमक, उर्लाबारी, केराबारी, लेटाङ, विराटनगर, झापा, धरान, पथरी, बेलबारी, इटहरी, सुन्दरहरैंचा लगायतको टोली तथा खेलाडीहरूको सहभागिता रहने उल्लेख गरिएको छ ।