त्रिदेशीय टी-२० आई क्रिकेट सिरिज : नेपालले आज युएईसँग भिड्दै

काठमाडौं : एक खेल अघि नै फाइनलमा प्रवेश गरेको नेपालले आज त्रिदेशीय टी-२० आई क्रिकेट सिरिजका लागि परिचित प्रतिस्पर्धी युएईसँग प्रतिष्पर्धा गर्दैछ । मुलपानी अन्तर्राष्ट्रिय क्रिकेट मैदानमा बिहान ११ बजेदेखि नेपाल र युएईबीचको खेल तय भएको हो ।

नेपाल र युएईबीच भएका पछिल्ला पाँचवटा टी-२० आईका खेल मध्ये नेपालले तीनवटा जितेको छ । युएईले दुईवटामा जित हात पारेको छ ।

जारी सिरिजमा युएईले हङकङमाथि पहिलो जित हात पारेको थियो । युएईले समूह चरणको चौथो तथा अन्तिम खेल हङकङसँग बुधबार खेल्नुपर्नेछ ।

यो प्रतियोगिताको फाइनल खेल आउँदो शुक्रबार विहान ११ बजे कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने जनाइएको छ ।

आईसीसी टी-२० विश्वकपको एसिया छनोटअघि तयारीस्वरूप आयोजना गरिएको यो प्रतियोगितामा नेपाललाई आज युएईलाई दवावमा राख्नुपर्ने चुनौति छ । आईसीसी टी-२० विश्वकपका लागि छनोट चरणका खेलहरू ३० अक्टोबरदेखि काठमाडौंमा नै हुनेछन् ।