सवारी ज्यान मुद्दामा १९ वर्षपछि पक्राउ

झापा । सवारी ज्यान  मुद्दाका फरार रहेका एक अभियुक्त १९ वर्षपछि पक्राउ परेका छन्  । पक्राउ पर्नेमा मेचीनगर नगरपालिका–११का ५४ बर्षीय बन काइलो भन्ने नरबहादुर भुजेल  छन् ।

उनलाई इलाका प्रहरी कार्यालय धुलाबारीबाट खटिएको प्रहरी टोलीले बुधबार दिउँसो  गाउँघरमा नै लुकेर बसेको अवस्थामा पक्राउ गरेको हो ।

विसं २०६२ साल फागुन ९ गते बिहान साढे ७ बजे भुजेलले चलाएको मे १ त ७३७ नम्बरको ट्याक्टरबाट सोही ट्याक्टरका सहचालक टेकेन्द्र लिम्बू (ताम्लिङ) सडकमा खस्दा सोही ट्याक्टरले किच्दा लिम्बूको घटनास्थलमा नै मृत्यु भएको थियो ।
सो घटनापछि फरार  ट्याक्टर चालक भुजेल १९ वर्षपछि पक्राउ परेका हुन् ।

पक्राउ परेका भुजेललाइ जिल्ला अदालत झापाबाट म्याद थप गरि अनुसन्धान भैरहेको जिल्ला प्रहरी कार्यालय झापाले जनाएको छ ।