किड्स भिलेजको वार्षिकोत्सव

विराटनगर । विराटनगर–५ स्थित  किड्स भिलेज स्कुलले दशौं वार्षिकोत्सव विभिन्न कार्यक्रमका साथ सम्पन्न गरेको छ ।  सो कार्यक्रममा पहिलो सक्रका कार्यत्रमहरु प्रदेश सभासद तथा नेपाली कांग्रेसका केन्द्रीय सदस्य भीम पराजुलीको उपस्थितिमा गरिएको थियो ।

दोस्रो सत्रका प्रमुख अतिथि उद्योग व्यवसायी तथा कोशी प्रदेश प्रमुख राजेन्द्र राउत थिए । सो कार्यक्रममा नानीबाबुहरूले गीत, संगीत र नृत्यबाट अभिभावकहरुलाई मख्ख पारेका थिए ।

सो अवसरमा बढ्दो मोबाइल फोनप्रतिको लगाव र अतिव्यस्त अभिभावकहरुलाई लक्षित गरी यसको दुष्प्रभाव नानीबाबुहरूमा कस्तो पर्छ भन्ने बारेमा नाटक मञ्चन गरी सकारात्मक सन्देश दिएका थिए  ।

कार्यक्रममा विद्यालयका अध्यक्ष  मदन खतिवडा, प्राचार्य विजय दाहाल र प्रवन्ध निर्देशक पङ्कजकुमार जैनले किड्स भिलेजले विद्यार्थीको शैक्षिक उन्नयनका लागि गरेको कार्यहरु बारेमा प्रष्ट पारेका थिए ।