३४० किलो गाँजासहितको ट्रक नियन्त्रणमा

विराटनगर । सुनसरी प्रहरीले एउटा ट्रक नियन्त्रणमा लिएर त्यहाँभित्र रहेको ३४० किलो गाँजा बरामद गरेको छ ।

सुनसरीको कोशी गाँउपालिका–७ हरीपुरबाट गाँजा बोकेको ट्रक प्रहरीले नियन्त्रणमा लिएको जनाइएको छ । 

अस्थायी प्रहरी पोष्ट हरीपुरबाट चेकजाँचमा खटिएको प्रहरी टोलीले प्रदेश १–०२–००२ ख ०४१४ नम्बरको ट्रकमाथि शंका लागेर चेकजाँच गर्दा उक्त ट्रकमा ११ वटा बोरा फेला परेको थियो ।

बोराभित्र गाँजा रहेको अनुसन्धानका क्रममा खुलेको जिल्ला प्रहरी कार्यालय सुनसरीले जनाएको छ ।

ट्रक चालक भने फरार रहेको प्रहरीले जनाएको छ ।