Biratnagar, Morang, Nepal
३ मंसिर २०८३, बिहिवार
+977 21 450305, 515728, 578305
आर्थिक

भारतीय सीमा क्षेत्रबाट १० लाख ३० हजारको भन्सार छलीका सामान बरामद

उद्‌घोष संवाददाता
२ मंसिर २०८३, बुधवार

विराटनगर । सशस्त्र प्रहरीले मोरङका विभिन्न सीमा क्षेत्रबाट १० लाख ३० हजार ४५० रुपैयाँ बराबरको भन्सार छलीका सामान बरामद गरेको छ ।

सशस्त्र प्रहरी बल नेपाल नं. ३ गण हेडक्वार्टर कंकालिनी मोरङ तथा मातहतको सीमा सुरक्षा गुल्म रानीबाट खटिएको टोलीले सोमबार भारतबाट अवैध रूपमा नेपाल भित्र्याइँदै गरेका सामान बरामद गरेको हो ।

सशस्त्र प्रहरीका अनुसार बरामद गरिएका सामानमा एक थान मोटरसाइकल, एक थान स्कुटर, मोटर पार्ट्स, खुर्सानी, धागो तथा चाइनिज नासपाती रहेका छन् । त्यस्तै, भन्सार छली गरी प्रयोग भइरहेको एक थान भारतीय विद्युतीय स्कुटरसमेत नियन्त्रणमा लिइएको जनाइएको छ ।

बरामद गरिएका सबै सामानको भन्सार मूल्यांकन १० लाख ३० हजार ४५० रुपैयाँ रहेको सशस्त्र प्रहरीले जनाएको छ ।

नियन्त्रणमा लिइएका सामान आवश्यक कारबाहीका लागि विराटनगर भन्सार कार्यालयमा बुझाइएको सशस्त्र प्रहरी बलले जनाएको छ ।

View : 32

३ मंसिर २०८३, बिहिवार

Copyright © 2023 -2026. Udghosh Daily. All Rights Reserved