तिला संक्राईतको अवसरमा सरदार बाँतर समुदायद्वारा बर्जुमा शुभकामना आदान–प्रदान (फोटो)

बर्जु (सुनसरी) । तिला संक्राईत पर्वका अवसरमा प्रवासी सरदार बाँतर युवा एकता समाज उत्थान केन्द्र नेपालले सुनसरीको बर्जुमा शुभकामना आदान प्रदान कार्यक्रम सम्पन्न गरेको छ । उक्त अवसरमा साँस्कृतिक कार्यक्रम समेत आयोजना गरिएको हो । 

सुनसरी क्षेत्र नम्बर ३ की सांसद एवं पुर्वमन्त्री भगवती चौधरीको प्रमुख आतिथ्यतामा आयोजित कार्यक्रममा सरदार बाँतर समुदायका युवा युवतीहरूले आफ्नो कला संस्कृति झल्किने भेषभुषा र पहिरन लगाएर सहभागी भएका थिए ।

कार्यक्रमलाई सफल बनाउन राजनीतिक दल, स्थानीय समाजसेवी, युवा क्लवका विभिन्न जिम्मेवारीमा रहेका व्यक्तिहरूको समेत सहभागीता रहेको चन्दन सरदारले जानकारी दिए । 

उक्त कार्यक्रमलाई सफल बनाउन सहयोग गर्ने व्यक्तिहरूलाई सम्मानपत्र समेत प्रदान गरिएको थियो ।