देवानलाई ‘आदर्श युवा सम्मान’

विराटनगर । विराटनगरका पत्रकार प्रेम देवान सम्मानित भएका छन् । उनलाई विराट आदर्श साहित्य मञ्च विराटनगरले ‘आदर्श युवा सम्मान २०८१’ बाट सम्मानित गरेको हो ।

हाटखोलास्थित आरोहण गुरुकुलमा आयोजित स्रष्टा र सिर्जनाको नवौं शृंखलाका अवसरमा पत्रकार देवानलाई सम्मान गरिएको जनाइएको छ । 

देवान विराटनगरमा पत्रकारिता क्षेत्रमा १५ बर्षदेखि सक्रिय रहँदै आएका छन् । देवानलाई नगद १० हजार रुपैयाँसहित सम्मानित गरिएको हो । 

कार्यक्रमका अध्यक्ष भेषराज पोखरेल, प्रमुख अतिथि विवश पोखरेल र विशेष अतिथि खेम नेपालीले उनलाई सम्मान पत्र र चेक प्रदान गरेका थिए । 

सोही अवसरमा हिमालयन लाइफ इन्स्योरेन्स कम्पनीका कोशी प्रादेशिक कार्यालयका प्रमुख सन्तोष आचार्यले पत्रकार देवानलाई ५ लाख रुपैयाँ बराबरको एक वर्षे टर्म बीमा प्रदान गर्ने घोषणा गरे ।

उक्त कार्यक्रममा विराटनगरका साहित्यकार हरि कट्टेल र सुनसरीका किरण शिवाले कविता वाचन गरेका थिए ।