जेहेन्दार पाँच विद्यार्थी सम्मानित

रंगेली । मोरङको रंगेलीस्थित सद्भाव बचत तथा ऋण सहकारी संस्था लिमिटेडले रंगेलीका सामुदायिक तथा संस्थागत विद्यालय मध्येबाट गत एसईईमा उत्कृष्ट अंक ल्याउने पाँच विद्यार्थीलाइ सम्मान गरेको छ । 

सम्मानित हुनेहरूमा त्रिभुवन माविकी समीक्षा खवास, महालक्ष्मी माविका अक्षय उराव, प्रगतिशील माविकी अस्मिता राजवंशी, आदर्श माविकी अञ्जलीकुमारी मण्डल र मिनिल्यान्ड बोर्डिङ स्कुलका लीलाकान्त झा छन् ।

सो सहकारीको १५औं वार्षिक साधारणसभामा उनीहरूलाई नगर प्रमुख दिलिपकुमार अग्रवाल, सहकारीका अध्यक्ष कमलेश ठाकुरलगायतले नगदसहित सम्मान गरेका हुन् ।