सेन्साइको दसैँ उत्सव योजना सार्वजनिक

विराटनगर । नेपालीहरूको महान् चाड दशैंलाई लक्षित गर्दै सेन्साइले विशेष ‘उत्सव योजना’ सार्वजनिक गरेको छ । 

योजनाअन्तर्गत सेन्साइका विभिन्न घरायसी तथा इलेक्ट्रोनिक्स सामग्री खरिदमा  ३० हजार १०० सम्म क्यासब्याक पाइनेछ ।

योजनामा वाशिङ मेसिन, रेफ्रिजरेटर, चेस्ट फ्रिजर, एयर कूलर, भ्याकुम क्लिनरलगायतका उत्पादन समावेश छन् । 

फ्रन्टलोड वाशिङ मेसिन खरिदमा ६ केजी सर्फ एक्सेल र अर्ध स्वाचालित वाशिङ मेसिनमा २ केजी सर्फ एक्सेल निःशुल्क उपलब्ध गराइने कम्पनीले जनाएको छ ।

यस्तै, योजनामा सहभागी ग्राहकले सेन्साइ डाइरेक्ट ड्राइभ वाशिङ मेसिन बम्पर उपहार जित्ने अवसरसमेत पाउनेछन् । 

क्यूआर कोड स्क्यान गरी बम्पर उपहारमा सहभागी हुन सकिनेछ । ग्राहकका लागि शून्य प्रतिशत ब्याजदरमा  ईएमआई र एक्सचेन्ज सुविधा समेत उपलब्ध गराइएको छ । 

योजना भदौ २६ गतेदेखि सीमित अवधिका लागि लागू गरिएको कम्पनीले जनाएको छ । 

योजना चौधरी ग्रुपअन्तर्गतको सीजी इलेक्ट्रोनिक्सको आधिकारिक डिलर, २२ वटा सीजी डिजिटल शोरुम तथा अनलाइन माध्यमबाट उपलब्ध हुने बताइएको छ । शर्तहरू लागू हुनेछन् ।