मधेस प्रदेशका मुख्यमन्त्री सिंहले पाए विश्वासको मत

धनुषा । मधेस प्रदेशका मुख्यमन्त्री सतिशकुमार सिंहले विश्वासको मत प्राप्त गरेका छन् । उनले ६७ मत पाएका छन् । विपक्षमा ३४ मत खसेको थियो । 

मधेस प्रदेशसभामा उपस्थित एकसय एक जना सदस्यले मतदान गरेको प्रदेश सभा सचिवालयले जनाएको छ । 

मुख्यमन्त्री सिंहका पक्षमा जनमत, नेपाल कम्युनिष्ट पार्टी एमाले, नेपाली कांग्रेस, लोसपा, नागरिक उन्मुक्ति पार्टीका प्रदेशसभा सदस्यले मतदान गरेका हुन् ।

जनता समाजवादी पार्टी, नेपाल कम्युनिष्ट पार्टी (माओवादी केन्द्र), नेपाल कम्युनिष्ट पार्टी (एकीकृत समाजवादी), नेपाल सङ्घीय समाजवादी पार्टीका सांसदले भने विपक्षमा मतदान गरेका थिए ।